DE TFR ROSS

Geh net vor mia, i wui dia net folgn!
Geh net hinta mia, i wui di net führn!
Geh oafach nebn mia und sei mei Freind.

 

Unser Paint Horse Zucht lasst si auf de ganz oidn Linien zuruck führn. Mia selber ham immer versucht gscheide Ross - gsund, ausglichn und stark - zu züchtn, die a jeder reitn ko der reitn ko. Dabei hamma immer gschaugd das des ois Kua-Pferd werdn, aber des klappt net allaweil. A wurscht, a guats Ross is a guats Ross. Im Moment ham mia grad drei Paint Stutn, oan Paint Wallach, oan Paint Hengst, zwoa Quarter Stutn und a Haflinger Stutn. Des glangt, dass mia gnua zum doa ham.

Unsre Ross brauchn sich weder dahoam no im internationaln Vergleich verstecka. Sowohl de Stutn, ois a de Hengst und de Wallach habn scho ganz gscheit was an Schleifn und Medallien abgräumt. Da warn so Sacha dabei wia: Qalifikant für de Weltmoastaschaft - Europamoasta - Deitscher Moasta - Boarischer Moasta, mei und no a Menge andres Zeugs was mia jetzt garnet ois aufzähln kenna...