DA TFR HOF

Do sama dahoam!

Mia san im Ostallgäu dahoam, genau neba der Grenz vo Bayern nach Österreich. Vo unsre Wiesn aus siegst de Ammergauer Alpn, des Schloß Neuschwanstein und den Hopfnsee (der hat nix mit Bier zum tun!) Mia san scho a ganz scheens Stückl weit den Berg nauf und deshoib gibts bei uns an Haufn gsunde und gschmackige Kräuter, die de Ross gern mögn.

In unserm Stall ham de Ross helle, scheane Boxn mit vui Liacht und an großn Platz wo se umanand hupfn kenna. Duschn kenna se a, aba de mögns net so gern. Fürn Schmied hama a extra an Platz gmacht, wo er gscheid arbeitn ko. Ach ja, gebts Obacht, mia ham den Stall Video überwacht.

Auf unserm Reitplatz ko ma bei jedm Wedda reitn wenn ma mog. Mia ham aber leider koa Dach, so dass 's beim Regn schnell nass werds. Aber wenns schee is, nacha ko ma Dressur oder Springn reitn oder a Western. Mia ham alle möglichn Stanga und Hinderniss do und sogar a mechanische Kua mit dera ma spuin ko.

Ross eistelln

1. NA!  -  Mia ham koane Boxn zum vermietn und eistelln tuan mia a net. Des kennts eich ausm Kopf schlagn!

Reitn lerna

2. NA!  -  Mia gem koan Reitunterricht. Da müssts scho wo anders hi gehn. Bei uns gibts do nix!

Ross ausleihn

3. NA!  -  Spinnts ihr? Ma ko doch net unsre Ross ausleihn! Was isn des für a blede Idee?